Belibje it ferhaal fan in Fryske reedriderfamylje. Ryd de histoaryske tochten fan '86 en '97, en meitsje dy dêrnei klear foar de grutste test: as earste oer de finish by de Alvestêdetocht fan 2027. Doarsto de útdaging oan?

Twahûndert kilometer

Fan it tsjuster oant it tsjuster, lâns alve stêden. Elk beslút ûnderweis kostet of jout wat: enerzjy, waarmte, moraal en soms pine. Sakket der ien te fier, dan is dyn tocht foarby.

Helpsto wa't krekt foar dy ûnderút giet, of rydsto troch? Heakesto oan by in groep dy't eins te hurd giet? Tusken de stêden reedridesto sels, slach foar slach, en do fielst hoe't dyn skonken der by steane. Oft do Ljouwert hellest, hinget ôf fan de besluten dy'tst ûnderweis nimst.

Sa't it wie

Elke tocht folget de echte: de rûte, it waar fan dy dei, de wyn dy'tst tsjin hiest. Underweis komsto minsken tsjin dy'tst net gau ferjitst. Guon ride in ein mei dy op. Oaren sjochsto noait wer. En by de finish jubelet in stêd dy't al oeren op dy stiet te wachtsjen.